Ghostface Killah ဟာ အသစ်ထွက်ရှိလာမယ့် Wu-Tang Clan အဖွဲ့ရဲ့  အယ်လ်ဘမ် အသစ်ကို ဦးဆောင် ဖန်တီးသွားမှာဖြစ်တယ်လို့ သိရပါတယ်။
လတ်တလောပြုလုပ်ထားတဲ့ တွေ့ဆုံမေးမြန်းခန်းတစ်ခုမှာတော့ Ghostface Killah က Wu-Tang Clan အနေနဲ့ နောက်ထပ် LP အယ်လ်ဘမ် တစ်ခွေ ထပ်မံပြုလုပ်ဖို့ ဆုံးဖြတ်ဖြစ်ခဲ့မယ်ဆိုရင် အဲဒီအခွေအတွက် ဦးဆောင်ပေးဖို့ Wu-Tang Clan ကို လက်ရှိ ဦးဆောင် နေတဲ့ RZA က သူ့ကို လုပ်ပိုင်ခွင့်တွေ အားလုံး ပေးအပ်ခဲ့တယ်လို့ ပြောပြခဲ့တာပဲ ဖြစ်ပါတယ်။
"RZA က ကျွန်တော့် လက်ထဲ ခေါင်းဆောင်မှုကို ပေးသွားခဲ့တယ်။ သူပြောခဲ့တာက 'Yo ငါမင်းကို ဒီတာဝန်ယူစေချင်တယ်' ဆိုတဲ့ စကားတစ်ခွန်းပဲ။ပြီးတော့ ကျွန်တော်ကိုယ်တိုင်လည်း ဒီတာဝန်ကို ယူချင်နေခဲ့တာပါ။ ဒါဟာကျွန်တော့်အတွက် အကြီးမားဆုံး စစ်ဆေးမှု တစ်ခု ဖြစ်လာမှာပါ" လို့ Ghostface က ရှင်းပြခဲ့ပါတယ်။
Ghostface ရှင်းပြခဲ့တဲ့ ဆိုလိုရင်းကတော့ သူ့အနေနဲ့ တစ်ခွေလုံးစာ သီချင်းတိုင်းရဲ့  အိုင်ဒီယာ နဲ့ လိုအပ်တဲ့ သံစဉ်တွေကို စဉ်းစားပြီး Wu-Tang Clan ရဲ့  အခြား အဖွဲ့ဝင်တွေကို ပြသပြီး သီချင်းတွေ ဖန်တီးစေရမှာပဲ ဖြစ်ပါတယ်။
"ကျွန်တော့် တာဝန်ကို ကျွန်တော် အရင်ဆုံးလုပ်မယ်။ပြီးရင် ကျွန်တော်လုပ်ထားတာတွေကို သူတို့(Wu-Tang Clan ရဲ့  အခြား အဖွဲ့ဝင်တွေ) ကို အသိပေးမယ်။ သူတို့ကို နားထောင်ခိုင်းပြီးရင် ကျွန်တော့် ဦးဆောင်မှုနောက် လိုက်ဖို့ပြောမယ်။ ဒါဟာ အားကစားသမား တွေရဲ့  အားကစား စိတ်ဓါတ်လိုပါပဲ။ ကျွန်တော့်အနေနဲ့ မှားကောင်းမှားသွားနိုင်တယ်။ဒါပေမယ့် ကျွန်တော့် နားရွက်တွေဟာ ကျွန်တော့်ရဲ့  အကဲဖြတ်မှုပဲ။ ကျွန်တော့် နှလုံးသားက ဘာကိုလုပ်သင့်တယ်ဆိုတာ ပြောပြလိမ့်မယ်။ ပြီးတော့ ကျွန်တော် ဦးဆောင် ညွှန်ကြားလိုက်တဲ့ သီချင်းတစ်ပုဒ်ဟာ မမျှော်လင့်ထားတဲ့သူတွေလည်း ဖြစ်ချင်ဖြစ်မယ်။ အဲဒါ Wu-Tang Clan ရဲ့  အထာပဲ။ ဘယ်သူတွေ ဘယ်သီချင်းကို ဆိုကြမယ်ဆိုတာ ဘယ်သူမှ ကြိုသိမှာ မဟုတ်ဘူး" လို့လည်း Ghostface ကထည့်သွင်း ပြောပြခဲ့ပြန်ပါတယ်။
ဒီလိုထုတ်ဖော်ပြောပြလိုက်တာဟာ Wu-Tang Clan ပရိသတ်တွေအတွက် စိတ်ဝင်စားစရာ ဖြစ်မှာ သေချာပါတယ်။ Wu-Tang Clan ရဲ့  နောက်ဆုံးလှုပ်ရှားမှု ၂ ခုဖြစ်ခဲ့တဲ့ 8 Diagrams(၂၀၀၇ ခုနှစ်မှာထွက်ရှိ) နဲ့ A Better Tomorrow(၂၀၁၄ ခုနှစ်မှာထွက်ရှိ) အယ်လ်ဘမ်တွေတုန်းကတော့ Wu-Tang Clan တစ်ဖွဲ့လုံးဟာ RZA ရဲ့  ဦးဆောင်မှုကိုပဲ လေးလေးစားစား လိုက်နာခဲ့ကြတာဖြစ်ပါတယ်။ Ghostface Killah ရဲ့  ဦးဆောင်မှုကို လိုအပ်တဲ့ အကြံဥာဏ်တွေနဲ့ ကူညီပေးသွားမှာကတော့ Raekwon ပဲဖြစ်ပါတယ်။ သူတို့ ၂ ယောက်ဟာ ဇူလိုင်လထဲမှာလည်း RAGU လို့ခေါ်တဲ့ နယ်လှည့်ဖျော်ဖြေပွဲ ခရီးစဉ်တစ်ခုကို ဖျော်ဖြေဖို့ စီစဉ်ထားပါတယ်။
Ref : XXL