The Notorious B.I.G အပါအ၀င် ကမ္ဘာကျော် Hip Hop အဆိုတော်တွေ စတင်ပေါက်ဖွားစေခဲ့တဲ့ Bad Boy Entertainment ဟာ သီချင်း အပုဒ်ရေ ၈၀ ပါဝင်တဲ့ အခွေ ၅ ခွေ တွဲ အယ်လ်ဘမ်ကို ထုတ်လုပ်မှာ ဖြစ်တယ်လို့ သိရပါတယ်။
Bad Boy ဓါတ်ပြားတိုက်ကို စတင်တည်ထောင်ခဲ့သူ Puff Daddy က Bad Boy Entertainment အနေနဲ့ Billboard မှာ ပါဝင်ရပ်တည်လာခဲ့တာ နှစ် ၂၀ ပြည့်တဲ့အထိမ်းအမှတ်အနေနဲ့ အခုလို အခွေ ၅ ခွေတွဲ အယ်လ်ဘမ် ကို ထုတ်လုပ်မှာ ဖြစ်တဲ့အကြောင်းကို တရားဝင် ထုတ်ဖော်ကြေညာခဲ့တာပဲ ဖြစ်ပါတယ်။
"မျက်မှောက်ခေတ်ကို ဖြစ်လာစေခဲ့တဲ့ Hip Hop ကို တည်ဆောက်ခဲ့ရာမှာ Bad Boy က ကူညီပေးခဲ့ပါတယ်။ ဒီအခွေ ၅ ခွေတွဲ အယ်လ်ဘမ်မှာ ပါဝင်မယ့် သီချင်းတွေဟာ Bad Boy ဓါတ်ပြားတိုက်ကို နံပါတ်၁ ဖြစ်စေခဲ့တဲ့ ဂီတ ၊ သမိုင်း ၊ နဲ့ အမြင်တွေ အားလုံးကို ထည့်သွင်း တင်ဆက်သွားမှာပါ။ ကျွန်တော်တို့ရဲ့  ပရိသတ်တွေကို ကျေးဇူးတင်ချင်ပါတယ် ၊ အဆိုတော်တွေနဲ့ သီချင်းတွေကို ဂုဏ်ပြုချင်ပါတယ် ၊ လွန်ခဲ့တဲ့ ဆယ်စုနှစ် ၂ ခုအတွင်းမှာ ဖြစ်တည်ခဲ့တဲ့ Bad Boy ရဲ့  လူနေမှု စတိုင်လ်တွေကို ဂုဏ်ပြုချင်ပါတယ်။ ကျွန်တော်တို့ဟာ လူတွေကို ကခုန်စေမယ့် သီချင်းတွေပဲ အမြဲလုပ်ခဲ့ပါတယ်။ ဒီအယ်လ်ဘမ် ကတော့ Bad Boy ရဲ့  အရာ အားလုံးကို ဂုဏ်ပြုချင်တာပါ။" လို့ Puff Daddy က သတင်းထုတ်ပြန်ချက်မှာ ထည့်သွင်းရေးသားထားတာ တွေ့ရပါတယ်။
သြဂုတ်လ ၁၂ ရက်နေ့မှာ ထွက်ရှိလာမယ့် Bad Boy ဓါတ်ပြားတိုက် နှစ်၂၀ ပြည့်အမှတ်တရ အခွေ ၅ ခွေတွဲ အယ်လ်ဘမ်ထဲမှာတော့ The Notorious B.I.G ၊ Puff Daddy ၊ Lil Kim ၊ The Lox ၊ Ma$e ၊ French Montana ၊ Machine Gun Kelly နဲ့ Janelle Monae တို့အပါအ၀င် Bad Boy ဓါတ်ပြားတိုက်နဲ့ ပတ်သက်တဲ့ အဆိုတော်များစွာက သီချင်းတွေ ပါဝင်သီဆိုပေးထားမှာ ဖြစ်တယ်လို့ သိရပါတယ်။ ဒါ့အပြင် Michael A. Gonzales ဆိုသူ ဂျာနယ်လစ် တစ်ယောက် ရေးသားထားတဲ့ စာမျက်နှာ ၆၄ မျက်နှာပါ Bad Boy ဓါတ်ပြားတိုက်ရဲ့  သမိုင်းကြောင်း စာအုပ်ငယ်ကိုလည်း အယ်လ်ဘမ်နဲ့ အတူ ထည့်သွင်း ပေးသွားမှာ လည်း ဖြစ်ပါတယ်။
Puff Daddy ဟာ ပြီးခဲ့တဲ့ နှစ် အောက်တိုဘာလမှာ Epic Records နဲ့ ချိတ်ဆက်ပြီး Bad Boy ဓါတ်ပြားတိုက်ကို ပြန်လည် အသက်သွင်းခဲ့ကာ မနှစ်က သြဂုတ်လမှာ နယ်လှည့်ဖျော်ဖြေပွဲတွေက စတင်ခဲ့ပါတယ်။ မကြာသေးမီကလည်း Biggie ရဲ့  ၄၄ နှစ်ပြည့်မွေးနေ့အမှတ်တရ အဖြစ် ဘရွတ်ကလင်း မြို့မှာ ဖျော်ဖြေပွဲကျင်းပခဲ့ပြီး Jay-Z နဲ့ Mary J. Blige တို့ကလည်း လာရောက် ကူညီခဲ့ကြတယ်လို့ သိရပါတယ်။
( ZweThetPaing )
Ref : HipHopDx