Wiz Khalifa ဟာ Taylor Gang အဖွဲ့ရဲ့ Mixtape ထဲမှာ ပါဝင်မယ့် သီချင်းအသစ်တစ်ပုဒ်ကို ကြိုတင်ဖြန့်ချီခဲ့ပြန်ပါတယ်။ အဲဒီသီချင်းနာမည်ကတော့ "Bad Influence" ဖြစ်ပြီး Chevy Woods ၊ Tuki Carter တို့နဲ့ တွဲဖက်သီဆိုခဲ့တဲ့ "Isaac Hayes" ဆိုတဲ့သီချင်းကို ဖြန့်ချီပြီး ရက်အနည်းငယ်အကြာမှာပဲ ဖြန့်ချီခဲ့တာဖြစ်ပါတယ်။
ဒီနောက်ဆုံးထုတ်လုပ်တဲ့သီချင်းကို တီးခတ်ထုတ်လုပ်ထားတာကတော့ Sledgren ဖြစ်ပြီး Wiz Khalifa ဟာလည်း သူ့ရဲ့  ရွတ်ဆိုပုံ(Flow) အသစ်တွေကို ပြသထားပြန်ပါတယ်။ ဒီသီချင်းထဲမှာ စော်တွေအကြောင်းကိုလည်း ထည့်သွင်းသီဆိုထားတဲ့ Wiz ဟာ သူ့ရဲ့  ဇနီးဟောင်း Amber Rose နဲ့လည်း ဇာတ်လမ်းတွေ ရှိနေသေးပုံရပါတယ်။ Amber Rose ကလည်း VH1 ဆိုတဲ့ Show တစ်ခုမှာ သူမအနေနဲ့ Wiz နဲ့အတူ နောက်ထပ်ကလေးတစ်ယောက်လိုချင်တယ်ဆိုတဲ့အကြောင်းတွေကို နောက်ပြောင်ပြောဆိုထားပါသေးတယ်။
လက်ရှိမှာ Snoop Dogg နဲ့အတူ High Road Tour ဆိုတဲ့ နယ်လှည့်ဖျော်ဖြေပွဲတွေ သီဆိုဖျော်ဖြေနေတဲ့ Wiz Khalifa ရဲ့  သီချင်းအသစ် "Bad Influence" ကို နားဆင်နိုင်ဖို့အတွက် အောက်မှာဖော်ပြပေးထားပါတယ်။
Ref : XXL