ပြီးခဲ့တဲ့ည(၈.၉.၁၆) တုန်းက G.O.O.D Music ဓါတ်ပြားတိုက်ဟာ နယူးယော့ခ်မြို့တော်မှာ မထင်မှတ်ထားတဲ့ ရှိုးပွဲ ဖျော်ဖြေမှုတစ်ခုကို ပြုလုပ်ခဲ့ပါတယ်။ အဲဒီရှိုးပွဲမှာတော့ G.O.O.D Music ဓါတ်ပြားတိုက်ရဲ့  ပိုင်ရှင် Kanye West က ဦးဆောင်ပြီး Pusha T ၊ Migos နဲ့ Desiigner တို့က ဖျော်ဖြေခဲ့ကြပါတယ်။
အဲဒီ ဖျော်ဖြေပွဲမှာပဲ Kanye West က ထည့်သွင်းကြေညာခဲ့တာကတော့ G.O.O.D Music ဓါတ်ပြားတိုက်ဟာ Rap အဆိုတော် Tyga ကို ခေါ်ယူစာချုပ်ချုပ်လိုက်တယ်ဆိုတာပါပဲ။ အဲဒီသတင်းဟာ Hip Hop ပရိသတ်တွေကြား ရေပန်းစားလာပြီး တစ်ဆက်တည်းမှာပဲ G.O.O.D ရဲ့  MC အသစ် Tyga ဟာ လက်ရှိရေပန်းစားနေတဲ့ လူငယ် Rap အဆိုတော် Desiigner နဲ့အတူတွဲဖက်ပြီး "Gucci Snakes" ဆိုတဲ့ အမိုက်စား သီချင်း အသစ်တစ်ပုဒ်ကို ဖြန့်ချီခဲ့ပြန်ပါတယ်။
Young Money ရဲ့  အဆိုတော်တစ်ယောက်အဖြစ် နှစ်ပေါင်းများစွာရပ်တည်လာခဲ့တဲ့ Tyga နဲ့ Kanye West တို့အခုလိုချိတ်ဆက်မိခဲ့ခြင်းဟာ Tyga ရဲ့  ကောင်မလေး Kylie Jenner နဲ့ Kanye ရဲ့  ဇနီး Kim Kardashian တို့ဟာ ညီအစ်မတွေဖြစ်နေတာကြောင့်လည်းပါပါတယ်။ Tyga နောက်ဆုံးထုတ်လုပ်ခဲ့တဲ့ "The Gold Album: 18th Dynasty" ဆိုတဲ့ LP အခွေဟာလည်း Kanye West ကိုယ်တိုင် အမှုဆောင်ထုတ်လုပ်သူအဖြစ်နဲ့ ထုတ်လုပ်ပေးခဲ့တာဖြစ်ပြီး Tyga ရဲ့  အမှီအခိုကင်းမဲ့တဲ့ ဓါတ်ပြားတိုက် Last King Records ရဲ့  ခေါင်းစဉ်အောက်ကနေ ဖြန့်ချီခဲ့တာလည်းဖြစ်ပါတယ်။
ပြီးခဲ့တဲ့ မေလတုန်းကလည်း Tyga ဟာ သူ့ရဲ့  ဓါတ်ပြားတိုက်ဟောင်း Cash Money ရဲ့  ပိုင်ရှင် Birdman နဲ့ ပတ်သက်ပြီး မကျေနပ်ချက်တွေအားလုံးကို "Cash Money" ဆိုတဲ့ သီချင်း တစ်ပုဒ်နဲ့အတူ ဖွင့်ဟ ထုတ်ဖော်သီဆိုခဲ့ပြီး အခုချိန်မှာတော့ Tyga ဟာ ဓါတ်ပြားတိုက်အသစ် နဲ့ စာချုပ်ချုပ်ဆိုနိုင်ခဲ့ပါပြီ။
G.O.O.D Music ဓါတ်ပြားတိုက်ရဲ့  အမိုက်စား တွဲဖက် ဖန်တီးမှုတစ်ခုဖြစ်တဲ့ Tyga နဲ့ Desiigner တို့ရဲ့  သီချင်းအသစ် "Gucci Snakes" ကို နားဆင်နိုင်ဖို့အတွက် အောက်မှာ ဖော်ပြပေးထားပါတယ်။
Ref : XXL Mag