Joe Budden ဟာ မကြာမီ ထွက်ရှိလာတော့မယ့် သူ့ရဲ့ တစ်ကိုယ်တော် အယ်လ်ဘမ် အသစ် "Rage & The Machine" မှာ ပါဝင်မယ့် သီချင်းတစ်ပုဒ်ဖြစ်တဲ့ "By Law" ကို ဖြန့်ချီခဲ့ပါတယ်။
အဲဒီ သီချင်းကို အဓိက တီးခတ် ထုတ်လုပ်ပေးထားတာကတော့ araabMUZIK ပဲ ဖြစ်ပါတယ်။ ဒီ သီချင်း "By Law" အတွက် လိုအပ်တဲ့ Hook အပိုဒ်ကိုတော့ အဆိုတော် Jazzy ကသီဆိုပေးထား ပါတယ်။ Joe Budden ဟာ ပြီးခဲ့တဲ့ ရက် သတ္တပတ် အနည်းငယ် တုန်းကပဲ Drake ကို diss လုပ်ထားတဲ့ သီချင်း ၂ ပုဒ်ကို ဖြန့်ချီခဲ့သလို အဲဒီ သီချင်း ၂ ပုဒ်လုံးကိုလည်း araabMUZIK ကပဲ တီးခတ် ထုတ်လုပ်ပေးခဲ့တာ ဖြစ်ပါတယ်။
Slaughterhouse အဖွဲ့ဝင် Joe Budden ဟာ သူ့ရဲ့  Soundcloud စာမျက်နှာမှာလည်း "ငါဟာ ဟစ်ဟော့ အတွက် အရူးအမူး ဖြစ်နေသေးလို့ ကျေးဇူးတင်ထိုက်ပေမယ့် ဟစ်ဟော့က ငါ့အတွက် အရူးအမူး ဖြစ်နေသေးတာက ပိုပြီး ကျေးဇူးတင်ထိုက်ပါတယ်။" လို့လည်း ရေးသားထားပါသေးတယ်။ Joe Budden ရဲ့  အယ်လ်ဘမ် အသစ် "Rage & The Machine" ကတော့ အောက်တိုဘာလ ၂၁ ရက်နေ့မှာ ထွက်ရှိလာမှာပါ။
"Rage & The Machine" အယ်လ်ဘမ်မှာ ပါဝင်လာမှာဖြစ်တဲ့ Joe Budden နဲ့ araabMUZIK တို့ရဲ့  သီချင်းအသစ် "By Law" ကို နားဆင်နိုင်ဖို့အတွက် အောက်မှာ ဖော်ပြပေးထားပါတယ်။
Ref : HipHopDx